|
|
Bondjou
Madam'
Bondjou
Mam.zèl
Bondjou
Mon.sieu,
Vos
vla atèri su 'l planète du tèyate walon d'Brin.ne-Chatô.
Binvnuwe a no mézo! Dins sakantes minutes, si vos avéz yeû 'l
pacyince dè ravizèr dusqu'ô d'bout, vos èréz 'n pètite idéye
dè 'l vie d'no troupe dè tèyate amateûr dèspu qu'èle a skèpi.
Putèt
bi què vos èstéz yun d' nos "supporters" èyé adon,
vos sèréz binéche dè vos rapèlér dès bons moumints, dès
djins qui vos ont fét rîre dins 'n pièche ou l'ôte què vos
avîz roubliyî ....c'est foûrt bi dinsi!
Putèt
ètou què vos n'nos counichîz ni. Adon, in viyant despu 'l timps
qu'sa dûre, vos dalèz vos d'mandèr pouquè s' què vos n'avéz
jamès yeû l'idéye dè vni nos vîre .... Eyé putèt qu'après,
vos fréz atincion pou n' ni manquî èle pièche a vnu! Quand vos
èréz vnu in coûp, djè vûs gadjî qué vos rvérèz co! Vos
avèz peu d'ni comprinde .... ? Si vos avéz li dusqu'a ci, èl pu
dûr èst oute, vos peuvez rintrèr dins no salle yè rîre avè
lès ôtes. C'est tout 'l mô qu'on vos souwéte ....
|
|
