Grammaire wallonne en ligne
Li waibe del croejhete walone

Sacwants berdelaedjes divant do disteler...

Ci lîve ci n' åreut seur måy sitî possibe sins les djins d' nos djins, minme moirts dispû lontins, mins k' ont tertos apoirté leu ptite pîre po bati nosse comunåté walone eyèt s' lingaedje. I n' åreut nén stî possibe nerén sins les grammairyins, cnoxhous ou nén, k' ont studyî nosse lingaedje èt sayî del discrîre dins leus scrîjhaedjes (eyu ç' ki dj' a poujhî li pus grande pårt di ci lîve ci). Èt po fini, cisse croejhete n' egzisteyreut nén sins l' aspoya d' ene pougneye di camaerådes ki dj' a passé des eures èt des razeures a dvizer avou zels --i gn a bråmint, èt do côp dji riskeye di rovyî tot plin des djins, mins i fåt tot l' minme ki dji rmerceye li Lucyin Mahin eyèt li Pablo Saratxaga. Èt tant d's ôtes. I n' åreut nén stî possibe sins mes eleves/soçons des coûrs di walon di Wépion, Nameur, Astîre, li Noû Lovin, èt co tenawete ôte påt, ki m' end ont todi aprins pus' ki çou qui dji lzî poleu apoirter. A! Dj' aléve rovyî: gn a eto tote ene pekleye di djins k' ont ovré des anneyes å lon po m' diner les clpanatès usteyes ki dji m' è sieve tos les djoûs po fé totes sôrtes d' afwaires come ci lîve ci. Dji vou don profiter k' i m' dimeure co 'ne dimeye pådje po rmercyî tos les cis eyèt les cenes ki m' ont dné ces belès libès usteyes ci:

includegraphics{imadjes/tux.ps} includegraphics{imadjes/gnu.ps}

Lorint HENDSCHEL 2001-08-04