[] [] []
suivant: 13 monter: Å Cmince précédent: 11

12

1 Li Signeur derit a l' Abram: «Cwitez vosse payis, vosse famile et l' måjhon da vosse pa po nd aler e payis k' dji v' mosturrè.

2 Dji frè d' vos 'ne grande nåcion et dji v' benixhrè. Dji frè k' vosse no seye grand. Vos minme, vos seroz on benixhmint.

3 Dji benixhrè les cis ki v' benixhront; les cis ki v' rabaxhront, djelzès mådirè; par vos, tos les peupes del daegn seront rbenis.»

4 Abram end ala come li Signeur aveut dit, et Lot pårta avou lu. L' Abram aveut septante cénk ans cwand i cwita Xharan.

5 I purda s' feume Saray, si neveu Lot, tot s' tcheté et totes les djins et les biesses k' il etertineut a Xharan. I end alît pol payis d' Canaan. Et vo les la arivés.

6 Adon, Abram triviesse tot l' payis djusk' a ene plaece lomêye Sichem, djusk' å tchinne di Morê. Di ces trevints la, les Cananeyins estént dins l' payis.

7 Li Signeur si mostra a Abram: «C' e-st a vos efants ki dji dôrè ç' payis ci», di-st i. Vaila, Abram batixha èn åté pol Signeur ki s' aveut mostré a lu.

8 Did la, il ala djusk' al cresse k' e-st å luvant d' Bétel. I monta s' toetea etur Bétel å luvant et Ay å coûtchant; vaila i batixha èn åté pol Signeur et braire si no.

9 Et d' on campmint a l' ôte, Abram baga djusk' e Néguev.

10 Adon, ci fout l' pômagne avå l' payis, et Abram dischinda djusk' e l' Édjipe po-z î sodjorner, ca l' famene ravadjîve li payis.

11 Et vola k' å moumint do moussî e l' Édjipe, il arinne si feume: «Schoûtez bén», di-st i, «dji sai bén k' vos estoz 'ne feume bele a vey.

12 Do côp, cwand les Djupsyins vos vieront et dire: ``C' est s' feume'', i m' touwront et vos leyî e vike.

13 Dijhoz lzî, si vos vloz bén, ki vs estoz m' sour; insi, on m' rishûrè a môde di djin p' l' amoû d' vos et dji dmeurrè e vike gråce a vos.»

14 Et come d' efet, cwand c' est k' Abram moussa e l' Édjipe, les djins veyît ki l' feume esteut foirt bele.

15 Des maisses sôdårs da Farawon l' avizît et i l' alît rclamer. Ça fwait ki l' kimere fout emoenêye dins l' måjhon da Farawon.

16 C' est ley les cåzes k' Abram esta bén rshuvou, et k' on lî ofrixha des ptites et des grossès biesses, des bådets, des sclåves, des meskenes, des ågnesses et des chamos.

17 Mins l' Signeur fijha toumer des felès rascråwes dissu Farawon come dissu s' måjhon, et c' esteut Saray les cåzes, li feume da Abram.

18 Li Farawon fjha vni Abram: «K' est çki vos m' avoz la fwait?» di-st i. «Douvént n' m' avoz nén dit k' c' esteut vosse feume?

19 Douvént m' avoz dit: ``C' est m' sour?'' Djel a pris por ley divni m' feume! Asteure, vo l' la, t' feume! Riprind l' et va-z è!»

20 Farawon cmanda a ses djins del revoyî, lu, si feume, et tot çou k' esteut da sinne.


[] [] []
suivant: 13 monter: Å Cmince précédent: 11
Lorint Hendschel 2003-07-03