Sainte Catherine

Adolphe LE RAY

I

Messieurs, si cha vous accommode
Acoutez tous m'in p'tit plaisi
Si vous voulez faire à ma mode
Y faut fair' comm' in paradis

II

Ch'est par là qui faut vir' des fiètes
Des salles de bal comme des pays
Chint mille tambours et clarinettes
Tout cha fait tranner l'paradis

III

Ch'est là qu'on veot des monts d'côt'lettes,
Qui viennent' tout seu d'sus les plats,
On fait v'nir, rien que pour des fillettes,
Passé mille aunes de cervelas.

IV

Saint Nicolas, couvert de gloire,
Est là comm' enn' fleur de santé,
I prétind qu'i va toudis boire,
Qu'i a signé pour l'éternité.

V

Sainte Ursule, timide et douce,
Veut prind' in p'tit verre au buffet,
Mais tout d'un queo Saint Pierre l'y pousse
Elle répand tout sur son gilet.

VI

V'la qu'tout d'un queo on crie : alerte !
Saint Pierre y a laissé l'porte ouverte,
Y a trinte-six Tournisiens d'rintrés.

VII

Nous prenez-vous pour des sauvages,
Dit in Tournisien in rintrant ?
Apprenez qu'on conneot l'z'usages,
On vous d'mand' enn' pinte in payant.

VIII

Là-d'sus on forme les quadrilles,
Les Tournisiens faittent leus pas.
Y seont très bien, dis'tent les filles ;
Y a qui faittent trop d'imbarras.

IX

Et puisqu'aujourd'hui nos grands-mères,
Dansent' au ciel avec nos papas,
A Tournai dùs qui a tant d'misère,
Ç'ro bin l'diable qu'on n'dans'reot pas !