Retour à la table des matières 

Eùl Jë vous salûe Mârîe

---------------------------------

Ëj vos salûe, Mârîe, plin.ne dë grâce;

eùl Mète eùt aveu vous.

Vos ètes bénîe étêr toutes lès feùmes,

èt Jésus, qu vos aveuz porteu, eùt béni.

Sinte Mârîe, Man dou Criss,

prieuz pou nous-ôtes, pôves pècheûrs,

tout mënant

èt à l eûre a.usquë nos vérons à mori.

Âmèn.

Retour à la table des matières 

Eùl Pâtêr

------------

Vous no Pa, qu vos ètes ô Cièl,

Qu vo nom sunche sanctifieu,

Qu vo rin.gne ariviche,

Qu tout chô qu vos voleuz sunche fét

Dôchi, come é ôt.

Douneuz-nous ôjordwî eùl pin

qu nos d avons danjeu tous lès joûs.

Pardouneuz-nous chô qu nos avons fét d mô

dë l min.me maniêre quë nos pardounons

à lès ciuns qui nos ont fét du tôrt.

Èt fètes quë nos n sunche gneu ratireus pô djâle,

mès dèlèbèreuz-nous dou mô.

Âmèn.

Retour à la table des matières 

Eùl Simbôle dès Apôtes

---------------------------------

Ëj crwa qu i n a foc in Bon Djeu.

Ceùt l Pa qui peut tout; qui a fét l Cièl èt la Têre;

tout chô qu on peut vîr, èt co chô qu on n peut gneu vîr.

Ëj crwa à in seûl Méte, Jésus, l Criss,

quë l Bon Djeu n a ô.u qu li come garchon,

qui eùt vnu dou Pa, pa dvant tous lès sièkes.

Djeu du Bon Djeu, lumiêre dë l lumiêre,

vré Djeu vnu du vré Djeu;

évouyeu, mès gneu fét come nous-ôtes.

Il eùt l min.me quë l Pa;

èt ceùt pâr li ètou qu tout a éteu fét.

Il a dèkèdu d é ôt

pou nos sôveu, nous-ôtes lès omes.

Ceùt du fèt du Sint Èsprit,

aveu l concoûrs dë l Vièrje Mârîe,

qu i s a fét ome.

Ceùt pou nous-ôtes ètou qu il a èteu mis é crwas,

qu il a mouru du tans d Ponce Pilate,

èt qu il a èteu éssëvli.

Eùl trwasième joû,

come il étwat mis dés lès ècritûres,

il a rèssussiteu; èt adon a monteu ô Cièl;

s a assis du coteu drwat dë s Pa

èt véra co in cóp, dés la glwâre,

pou jujeu lès vîvants èt lès môrts.

Eùs rin.gne n âra gneu d fin.

Ëj crwa ô Sint Èsprit

qui eùt Mète ètou, èt qui nos doune eùl vîe;

qui eùt l min.me quë l Pa èt l Garchon,

èt qui eùt adoreu èt glorifieu aveu l Pa èt l Garchon;

ceùt li qui a parleu ô travêrs

dë chô qu lès Profètes disintë.

Èj crwa qu no-n-Églîse eùt seûle,

sinte, catolique èt apostolique;

èt qu i n a foc in batème

pou armète lès pècheus.

Èt j raté l résurècsion dès môrts

èt l vîe dès sièkes qui véront.

Âmèn

Retour à la table des matières