Fitchîs ratoûrnés / a ratoûrner
è walon
Metu a djoû li 6 di djulet
Eraler al måjhon
Adrovaedje eyèt prezintaedje
Les fitchîs vaici pa dzo, c' est les cis ki siervèt a ratoûrner
è walon sacwants programes di KDE èt Gnome (ça frè
grûler des cis k' i gn a mins on pôreut dire ki KDE èt
Gnome toûrnèt al copete di Linux on pô come Windows
toûne al copete di DOS) eyèt sacwants ôtes. Dins tos
les programes KDE èt Gnome, nos avans prindu les cis k' i
faleut bén ratoûrner po-z avu li minimum, èt adon,
les programes ki nos nos è siervans li pus nos-ôtes
minme... Les côps d' mwin sont bénvnus!
I gn a bråmint des sacwès ki n' sont nén åjheyes:
-
Li rfondu walon (walon comun) est co on lingaedje è disvelopmint;
do côp li façon di scrîre n' est nén todi bén
metuwe. Po des racsegnes å dfait do rfondu walon, waitîz al
pådje
do lingaedje walon, al pådje
del croejhete walone eyet a l' aberteke (po cmincî...).
-
Les djins k' ovrèt so ci prodjet chal ni sont nén tertos
des programeus. Do côp, les mots tecnikes polèt a feyes esse
må comprindus.
-
Les Walon(e)s ni sont co waire afaitis di djåzer des copiutreces
/ ôrdinateurs / éndjoles dins leu lingaedje. Do côp,
i gn a tot on vocabulaire a disveloper. I gn a cint "flame wars" di presses
por vos, si vos inmrîz bén do dvizer di cmint-ce k' on ratoûnreut
bén è walon "cache memory" eyet "malformed URL".
-
Ratoûrner tot ça è walon, c' est trop d' ovraedje po
nosse pitite ekipe. Donc, ni sondjans nén ddja a ratoûrner,
metans, totes les pådjes di manuel, ni minme (mutwè) li documintåcion
di KDE eyet Gnome. Po on cminçmint, ça sereut ddja bén
do parvini a walonijhî les maisses programes di KDE eyet Gnome. Gn
a ene sakî k' est presse a-z ovrer? Sicrîjhoz-me!
Et alez taper on côp d' ouy so les fitchîs ratoûrnés
ou a ratoûrner, chal pa dzo.
Et po fini, dj' a fwait tot on lexike - ou pus rade DEUS: onk "english-walloon"
eyèt onk "walon-inglès".
Cåzu tos les fitchîs chal pa dzo ont stî evoyîs
ås maisses des programes (li ci ki fait LyX, les ekipes di KDE èt
Gnome) èt s' duvrint rtrover did ci sacwants moes so les CD "oficiels"
di Linux, ki vos atchteyroz dins vosse botike d' informatike.
Avançmint di l' ovraedje (status)
-
0 nén co fwait (to do)
-
1 est ki s' fwait (I'm working on it right now, while
you are watching this) - normålmint, i gn a k' on "1" d' on côp...
-
2 Prumire modeye al vole (first quick draft done)
-
3 Rinietî ene miete (reviewed by me)
-
4 Discuté è soce (discussed in group)
-
5 Presse (ready) - çouci vout dîre ki li
fitchî a stî evoyî oficielmint å maisse do programe
MINS NÉN ki li ratoûrnaedje est pårfait èt ni
pout pus candjî.
Aplications KDE
Libraries (1/1)
Base (22/22)
Control Manager (apontiaedje di tos les bokets di KDE) (12/12)
Utils (6/18)
Network / Internet (2/12)
Dessinaedjes (5/8)
Administråcion (1/3)
Djeus (1/16)
-
kmines.po : 4 (li ci/cene ki n' a måy djowé
å mines tot ratindant k' ene pådje web si tchedje...)
Multimedia (1/5)
Toys (0/2)
Office (0/11)
-
KOffice serè sheurmint li cerîjhe sol wastea (aspougneu di
texe, tåvleu, programe di prezintaedje...). Seulmint c' est co tos
programes alfa (è disvelopmint), èt do côp, ça
n' est mutwè nén pus biesse di rawårder on pô
divant d' ataker a bouter. Dj' a sayî KWord, l' aspougneu di texe.
Ça va esse foirt foirt foirt foirt ben.
Totes sôrtes
Aplications Gnome: ça cmince !
Ôtès aplications
-
LyX: lyx-wa-0.4.1 : 4 (aspougneu di texe).
-
Window Maker : 4 (on manaedjeu di purneas). I gn
a chal divins beacôp des messaedje d' arokes ki vos n' duvrîz
måy vey, ou bén nén trop sovint... ;) Çu ki
n' est nén ratoûrné aparexhrè èn inglès.
-
XFce: 3 . Ene sacwè a mitan voye inte li "simpe"
manaedjeu di purneas eyèt l' inviron'mint di burau (a la Kde/Gnome).
A sayî! Po-z astaler: sicrîjhoz-me,
dji n' a nén co trové li tins di splikî totafait comufåt.
-
Netscape Communicator 4.08
-
Acrobat Reader 3.0
Comint walonijhî voste éndjole
Linux?
Asteme! Atincion! Waitîz a vos! Louke a ti! Dins tos ces fitchîs
la, vos n' trovroz ki li prumire modeye di ratoûrnaedjes fwaits al
vole! Gn a beacôp des afwaires k' il è fåt dvizer avou
VOS, tot plin des afwaires a ramîdrer, et tchic et tchac. Çouci
dit, si vos voloz astaler les fitchîs, ça rote! Come di djusse,
po les fitchîs di KDE èt Gnome, vos dvoz avu astalé
ces 2 programes la dvant tot!
-
Nos avans fwait bråmint des afwaires reutabale. Gn a des loyaedjes
di tape (alt-r, crtl-k...) ki n' vont nen, dandjureu. Et come les messaedjes
è walon sont sovint pus long k' èn inglès, i passet
hute des boesses, des fignesses et des menus, des côps k' i gn a.
C' est li moumint por vos di herer vosse narene dins tot ça: ça
vos rwaite. Riloukîz les avou des ouys sipepieus.
-
Normålmint, Linux si sieve do côde ISO (International Standard
Organisation) po lomer les lingaedjes. I s' adjit d' on côde a deus
letes. Li walon n' a co pont di côde ISO. Nos avans tchwezi "wa"
è ratindant, pace ki ces deus letes la (aparanmint) ni sont nén
co eployeyes. Si on bea djoû l' ISO dene on côde pol walon,
ça serè mutwè "wl" ou "wn". I serè co tins
do candjî les nos di fitchîs eyet di ridants a ci moumint la.
-
Po les programes KDE ou Gnome, i fåt come di djusse ki KDE ou Gnome
seyexhe astalés so voste éndjole... eyèt apontyî
comufåt!
Vos dvoz:
1. Astaler les locales, ça vout dire li fitchî locales-wa-0.1-1.noarch.rpm,
fwait pa Pablo Saratxaga et metu par lu so si
pådje. Po ça, siervoz-vos di glint, kpackage
ou d' ene comande (rpm). C' est Pablo ki m' a tnu (et ki m' tent)
pal mwin po m' aprinde comint ramîdrer Linux et k' a fwait les locales
pol walon (çu ki vos permet, par egzimpe, d' afitchî li date
et l' eure è walon)
2. Po KDE: fé deus ridants po mete vos fitchîs KDE walons:
mkdir $KDEDIR/share/locale/wa
mkdir $KDEDIR/share/locale/wa/LC_MESSAGES
3. Po KDE: schaper kdelibs.po ene sawice so vosse deure plake (èn
ascii). Divni "root". Convierti kdelibs.po èn on fitchî binaire,
tot fjhant, a pårti do ridant ki kdelibs.po est dvins:
msgfmt -o $KDEDIR/share/locale/wa/LC_MESSAGES/kdelibs.mo
kdelibs.po
4. Convierti les ôtes fitchîs *.po. Metoz les ôtes
nos di fitchîs el plaece di "kdelibs.mo" eyet "kdelibs.po" et atalez
tchaeke fitchî. Mins i fåt di tote façon kdelibs.po
pol moens. Sins lu, ren n' îrè.
5. Candjî vosse fitchî ~/.kderc. Trovez li roye ki dit:
[locale] eyet scrîjhoz:
[Locale]
Language=wa:en_UK:fr
Insi, li walon (wa) serè vosse prumî lingaedje. Si on programe
ni trove rén è walon (par egzimpe pace k' i gn a co pont
di ratoûrnaedje), i pudrè l' inglès (en_UK). Et s'
i gn a ni walon, ni inglès, i pudrè li francès. Come
di djusse, vos poloz mete "wa:fr:en_US", ou "wa:br:ca:eo" (walon, breton,
catalan, esperanto) ou co des ôtes. I gn a ene dozinne di lingaedjes
k' egzistèt ddja.
Note : Po tchwezi li walon, i vos fåt aspougnî ~/.kderc.
Po les ôtes lingaedjes, vos vos poloz siervi do programe d' apontiaedje
di KDE (il èst dins li scriftôr). Mins li walon n' î
est nén pace k' i n' est nén co rprindu "oficielmint" dins
KDE pa l' ekipe KDE.
6. Schaper .kderc eyet renonder KDE.
Si vos n' con'xhoz nén Linux, tot ça sone come do chinwès,
et c' est normå. Cwand vos åroz djowé avou Linux deus
troes samwinnes, ça serè pus clair.
Si vos estoz on cminceu et ki vos n' è rexhoz nén,
evoyîz-me èn emile.
Dji n' pretind nén ki dj' årè response a tot, mins
nos cachrans eshonne!
Eraler al måjhon