KFM, li manaedjeu di fitchî di KDE

KFM, li manaedjeu di fitchîs di KDE

 
 
 

English summary of this page - Résumé de cette page en français


 

Bondjoû, Linux

Çouchal, c' e-st ene pådje fwaite po tos les cis eyèt les cenes ki veyèt voltî li lingaedje walon eyèt/ou li sistinme Gnu/Linux.
Linux e-st on maisse programe (li ci ki fwait toûrner tos les ôtes) edvinté pa Linus Torvalds aidî di cints eyèt di cints di programeus tot avå li daegn. Linux fwait tot çu ki vos poloz ratinde d' on maisse programe (come Windows, OS/2, MacOS, Unix...) eyèt co did pus : Linux est (pus) stocaesse, il est bråmint bråmint meyeu martchî (vos l' poloz minme avu po rén) eyèt, so tot,  c' e-st on "libe programe".

Cwè-ce ki çoula vout dîre? On côp ki vos l' avoz, vos estoz libe del copyî ostant ki vos voloz, del sipåde (po rén ou tot vos fjhant payî pol siervice). Mins, come vos avoz yeu li côde soûrdant (li texe do programe), vos estoz oblidjî del diner eto, et di passer les minmes droets ki les cis ki vos avoz. Nos estans libes tertos do studyî li côde ki fwait toûrner Linux, del candjî, di nifter dvins, del ramîdrer ou del abandner dins on ridant. Li minme rûle våt po tos les programes sipårdus dizo li Gnu Public License (GPL), come Linux. Vos pinsez ki ça n' vos  sieve a rén pace ki vos n' estoz nén programeu ? Hmmm... Sins ça, li prodjet ki nos è cåzans droci - ratoûrner des programes è walon (menus, messaedjes, boesses...) - n' åreut nén avu stî possibe.  Oyi, vos avoz bén lejhu: è walon, li lingaedje d' amon nos-ôtes!

Linux eyèt les "ptitès" cultures

Linux est bon po les "ptitès" cultures do monde etîr: avou Linux, nos avans li lîberté do fé djåzer nos éndjoles dins nos lingaedjes sins dvu aler pîler (po rén) a l' uxh di Microsoft eyèt sins ki ça costeye on franc. Vochal èn interressant papî so Linux eyèt l' etnodiviersité.

Avou des libes programes, vos avoz li lîberté di ratoûrner tot è vosse lingaedje: menus, messaedjes d' aroke, documintåcion, aidance, håynaedje des dates eyèt des eures... Avou sacwants bokets di sacwants programes dizo Windows, c' est possibe eto, mins nén si åjheymint eyèt nén si sovint ki dizo Linux, ca beacôp des programes sont csemés avou les fitchîs messaedje a pårt. Tot l' minme kî pout drovi ces fitchîs la, les lere eyèt les mete dins èn ôte lingaedje. Avou des programes ki n' sont nén libes, nén moyén del fé vos minme, eyèt les vindeus (Microsoft, metans) nel front por vos ki si vosse lingaedje est rindåve assez a leus ouys...

Bråmint do plaijhi!

Clitchîz chal po vey tote mi scribanne avou sacwants programes walonijhîsClitchîz chal po vey tote mi scribanne avou sacwants programes walonijhîs

Clitchîz so les imådjetes po vey tote mi scribanne (è moes d' måss eyèt è moes d' maiy) avou sacwants programes walonijhîs ki toûrnèt

 
 




 
Auteur: Djan Sacré
Metaedje sol Rantoele Daegnrece * : prumî di måss, meynut.
Metu a djoû li : vint troes di djun
*  "rantoele" [prononcez "rantwèle", "ranteûle", etc.] = toile d'araignée; par ext. "réseau". "Daegn" [prononcez "dagn" ou "dègn"] = monde; "daegnrece" est l'adjectif dérivé de "daegn" et signifie donc "mondial". Clapant, edon?