Oyi, eco ene waibe...

Sol minne, vos trovroz sacwants cayets k' ont tertos a vey avou li lingaedje walon, mi lingaedje.

Do tins da Matî Salé (1995), dj' a pinsé k' ça sereut malén do rashonner totes sôres d' informåcions sol walon. Ça a dné çouchal, Les pondants et les djondants sol walon.

I gn a on bon boket, dj' a pinsé k' des djins trovrént ahessåve d' aveur dins on seul lîve ene grammaire walone: Li croejhete walone.

Après, dji m' a dit k' motoit k' ça rhôsreut m' lingaedje si les esplikêyes leyes minmes serént e walon. Ça a dné ene grammaire walone e walon: Li ptite croejhete.

A! Dj' a waitî deus troes côps di fé do maisse di scole eto. Dj' a fait des cours di walon.

A on moumint ki dj' aveu trop d' tins, dj' a ossu ratoûrné sacwants programes Linux e walon.

I m' a arivé di scrire eto.

Dj' a scrît des papîs sol walon.

I m' a arivé eto di scrire del literateure e walon.

Et tins k' on-z est dins les crakes, i gna foirt lontins, dj' a sondjî fé do tchanteu walon eto. Si vos voloz fé peter vos botnires di rire avou mi, vochal sacwants mp3 di mes tchansons, ritrovêyes pa miråke (djouwete planete!) dizo l' poussîre electronike d' ene deure plake, al RTBF Nameur, ki dji rmerceye.

Cisse pådje est mimbe di l' anea RingSurf des waibes è walon.

[ Di dvant | Shûvant | A l' astcheyance | Djîveye ]

[ Passer 1 waibe èn erî | Passer houte do shûvant | Les 5 shûvants ]

Lorint Hendschel
Last modified: Sat Jan 12 00:39:07 CET 2002
Fwait avou Emacs.