Les chansons de Basècles

BASEQUE...E M'VILLOGE LES GEINS...
  • Les coulonneux
  • Les polisseuses
  • Les champettes
  • Les ma-soeurs..sont ar'vénues
  • Les crocheux
  • E l'marchand' dé frites
  • E l'nouviau commissaire
  • Mossié l'notaire
LES EVEN'MINTS...
  • L's'élections dins l'temps
  • Mi, j'n'ai nié vôté pour mi...
  • L'Algérienne
  • Cabaret...tournaisien
  • Les femm's du Cabaret
  • La radio
  • E l'fièt' des papas
  • Ch'est mi l'grand chèque..
  • Kadafi
  • L'Ayatolah...

 



BASEQUE...

1.
On a tant parlé des grand's villes
New-York, Bruxell's, Paris
Nous aut's nous somm's bié pu tranquilles
Dins no pays
Ailleu il a des batimints
Pou les rois, les évêques
Qui mwertent d'nvi dé vivr' tout p'tit béll'mint
Dins no p'tit, no biau Basèque...
Refrain
Oui Basèqu' ch'est l'pu biau des villôges
Y n'd'a fonc é parel ch'est certain
On a biau cacher dins l's'intourôges
On ar'vié à Basèqu' final'mint
Si ch't'in p'tit morciau d'ssus no grand' tièrre
Dins nos coeurs ch'est l'pu biau malgré tout
Il est p'tit mais il est tout à nous...
Basèque...
2.
On n'y voit nié d'grands paysôges
Mais quoi c'qué cha pé fait
Dépu Sartys jusqu'au villôge
On est si bié
Su l'Trié, au Pavé au Faubourg
Ou b'à Basèqu' Corrière
Ch'est l'coeur dé Basèqu' qui bat comme é tambour
V'la pouquoi j'in su si fier...
3.
Basèqu' ch'est l'pays du plaisi
On l'sait pa tous côtés
Les diminch's nos somm's invahis
Pa l's'étrangers
Faut vi' l'succès d'nos jônes filles
D'choisi ell's sont réyuses
In sourir' par chi, pou euss's ch'in si facile
A basèqu comme on s'amuse...
4.
Mais pou qu'Basèqu' fuch' toudi premm'i
A tout's les occôsions
Y foura surtout nos intenn'
Et fait l'Union...
Groupés autour d'enn' mêm' dévise
Basèque au d'ssus d'tous l's'autes
Nous pourrons canter sans qu'on nous contredise
Viv' Basèque... et viv' nous autes...


MEDISANCE...
1.
Si vo dallez dins l's'aut's villôges
Disant qué vo z'êt's Basèclois
Vo vérez d'ssus tous les visôges
In p'tit sourire in tantinet narquois...
Nié qu'on no prind pou pu biett' qué les autes
Nous avons étou no réputation
L'casseu d'quinquet
Ch't'é Pérwézien sans faute
Les nwôr's boudenne on les twainffe à Blaton
Refrain
Mais à Basèque on dit:
A douze heur' tout l'mond' din'ne
A n'enn' heur' tout l'mond' win'fe
Ch'est l'habitude ainsi
Avec é bel accent
On dit: l'bièr' colle au verre
Tout Basèclois d'ssus tière
Pé vos in dire autant...
2.
Tous les pays on leu z'usôges
Ey'à Qu'vaucamps on dit quéqu'fois
Qu'les sauvôg's sont au Pôturôge
Tandis qué d'ssus l'plache on twainff' les bourgeois.
On dit qu'à Leuze on vo d'mand' "Quand ralléd'dé ?
On ajout' co: "N'avé point mau'à vo côrps ?"
A Warlincoue aussi bié qu'à Thumaide
L'parfum des flatt's est d'tous côtés l'pu fort
3.
Mais tout cha ch'est dé l'médisance
On s'pins' toudis mieux qué s'visin
Chacun arringe é s'n'existence
Pou viv' tranquille et heureux l'pu longmint...
Cha n'impéch' nié qu'no pouvos co ardire
Tertout's insânn's, allons-y, no p'tit r'frain
Pasqu'àprès tout' y vaut co mieux in rire
Cha prouv'ra bié qu'nous somm's les pus malin...


Nos vié Basèque...
1.
J'ai rincontré Gustenne
E ch'té vié pinsiounné
J'li ai dit "viètte in boire enne..."
Y n's'a nié fait prié
Comme i1 ar'posoit s'pinte
Avec é grand soupir
Ainsi j'ai pu comprinte
Qu'cha y avoit fait plaisir.
Pu j'ai suivi s'pinsée
Qui s'in ralloit dins l'passé
Et comme on rapportoit n'tournée
V'la chou qu'Gustenn' m'a raconté...
Refrain
Vous n'avez nié counneu l'villôge
Dins l'temps passé, ch'est bié dommôge
Ses vielles ru's dé gros caillaux
On y f'soit sounnér ses chabots
Au fond du trié, é l'vié cim'tière
Du temps qu'on n'parloit nié co d'guerre
L'moulin à z'iaux rimpli d'pichons
Ch'toi l'rendez-vous d'tous les garchons...
Jé m'rappell' dé l'plach' communale
Dé 1'abreuvoit, dé l'arsénal
Et les pomp's à tous les coins d'rues
Usqué les femm's f'swin'té leu n'arvue..
Au fond des roqu's, rimplis d'courôge
Les ouviés cant'win't'à l'ouvrôge
Ch'toi l'vrai Basèqu', ouain dé c'temps là
Mais pu jamais on n'l'ar'véra...
2.
J'nai nié su quoi réponde
Il avoit si raison
J'ai dit: "mais d'dins vo monde
Gustenn', s'amusoit-on ?
Aujord'hui pa chintaines
Nos avons les plaisis
Les sall's dé dans's sont pleines
Les cinémas oussi..
J'ai vu Gustenn' sourire
Avec é p'tit air dé r'gret
Chou qui m'a répondu j'va l'dire
Il est bon d'savoi l'vérité...
Refrain
Ah si on ar'fésoi nos danses
A gros chabots bié in cadence
A l'mon Maclot ou b'au Boucher
Vous vér'wi' chou qu'ch'est d's'amuser
L'danse au caufièr ou bé l'quadrile
Les jôn's, les viés, tout in famile
Sans s'bourséler, sans imbarras
Su des biaux airs tout l'mond' dansoit,
Aujord'hui, sans vo critiquer
Les viés on les lèch' su l'côté
Et comme à mi r'pass' dins leu ziés
Les vielles dans's, chell' du temps passé...
Vlla l'vrai Basèqu' simple et honnête
E j'vo in ai fait n'chansonnette
Tout in l'cantant i1 ar'vivra
Eyé tout l'monde in profit'ra.....


SI LONG D' BASEQUE...
1.
Acoutez bié, vous les geins dé m'villôge
E jou' pét'etr' vo pourr'wuie l'éprouver
E l'nwôr chagrin qu'vo lisiez d'ssus m'visôge
D'tr' dé Basèqu' si 1ongmint séparé.
Quand on est d'dins, jamais on n'sé figure
E l'plach' dé diôl' qué d'dins no coeur il a
Vivr' long d'Basèqu' é ch't'enn' fameus' blessure
Rié qu' d'y pinser sintez comme é m'coeur bat...
 
 
 
 
 
 
 
} bis
2.
J'arvois quéqu'fois in m'él'vant au matenne
Tous les ouviés à pied ou b'à vélo
Pa l'ru' d'Condé s'in dallant qué leu trenne
Leu gross' malett' ballotant d'ssus leu dos.
J'ar'vois l's'infants ar'vénant d'leu n'école
Rimplisant l'ru' dé leu joyeux ébats,
A c' moumint là é m'tiett' dévié tout' drôle,
Rié qu' d'y pinser sintez comme é m'coeur bat...
 
 
 
 
 
 
 
} bis
3.
E jou' bétôt, j'm'in rirai à Basèque
J'irai ar'vi' tous ses fayés tournants
Ses nouvel1's ru's bié droit's éyé bié sèques
Ses viés quartiers éyé ses coins charmants...
J'irai ar'bwôre enn' bonn' grand' pint' dé bière
Ses cabarets n'sont t'y nié fait pou cha,
Viv'mint c'jou' là, y faut mieux rir' qué d'braire,
Rié qu'd'y pinser, sintez comme é m'coeur bat...
 
 
 
 
 
 
 
} bis