Lors parla
li Dux à sa gent, et lor dist:
«Seignor, ceste genz ne nos peuvent plus payer; et quanque il nos ont payé, nos l'avons tot gaaigné por la
convenance que il ne nos peuvent mie tenir. Mais nostre droiz ne seroit mie par toz contez; si en recevrions grant blasme et nos et nostre terre. Or lor
querons un
plait.
Li rois de Ungrie si nos tolt
Jadres en Esclavonie, qui est une des plus forz citez del monde, ne jà, par povoir que nos aions, recovrée ne sera se par ceste gent non.
Querons lor qu'il le nos aident à conquerre, et nos lor respiterons les trente-quatre mil marcs d'argent que il nos doivent, trosque adont que Dieu les nos laira conquerre ensemble nos et eus.» Einsi fu cis
plais requis. Mult fu
contraliez de ceus qui
vousissent que l'
ost se departist; mais totes voies fu faiz li
plaiz et otroiez.