Je faiz savoir à touz que
j'ai ceans mis grant partie des faiz
nostre saint roy devant dit, que
je ai veu et oy, et grant partie de ses faiz que
j'ai trouvez. Et ces choses vous
ramentoif-je, pour ce que cil qui orront ce livre croient fermement en ce que li livres dit que
j'ai vraiement veu et oy; et les autres choses qui y sont escriptes, ne vous tesmoing que soient vraies, parce que
je ne les ay veues ne oyes.
Ce fu escrit en l'an de grace mil CCC et IX, ou moys d'octobre.