Il avint, quant nous fumes revenu d'outremer, que li moinne de
Saint-Urbain esleurent dous abbés;
li évesques Pierres de Chaalons (que Dieus absoille!) les chassa tous dous, et beneït en abbé
monsignour Jehan de Mymeri, et li donna la croce.
Je ne le voil recevoir à abbé, pour ce qu'il avoit fait tort à
l'abbé Geffroy, qui avoit appelé contre li et estoit alez à
Rome.
Je ting tant l'abbaïe en ma main que li diz
Geffrois emporta la croce, et
cil la perdi à cui
li évesques l'avoit donnée; et tandis que li contens en dura,
li evesques
me fist escommenier. Dont il ot, à un parlement qui fu à
Paris, grant tribouil de
moy et de
l'évesque Perron de Chaalons, et de
la contesse Marguerite de Flandres et de
l'ercevesque de
Reins, qu'elle desmanti.
A l'autre parlement qui vint après, prierent tuit li prelat au
roy que il venist parler à eus touz seuls. Quant il revint de parler aus prelas, il vint à nous qui l'atendions en la chambre aus plaiz, et nous dist tout en riant le tourment que il avoit eu aus prelas, dont li premiers fu tels, que
li ercevesques de
Reins avoit dit au
roy: «Sire, que
me ferez-vous de la garde Saint-Remi de
Reins que
vous
me tollez? car par les sains de céans
je ne vouroie avoir un tel pechié comme
vous avez, pour tout le royaume de France. — Par les sains de céans, fist
li roys, si feriés pour
Compieigne, par la couvoitise qui est en
vous. Or en y a un parjure.»
—
«Li évesques de
Chartres
me requist, fist
li roys, que
je li feisse
recroire ce que
je tenoie dou sien. Et
je li diz que non feroie, jeusques à tant que mes
chatels seroit paiés. Et li dis que il estoit mes hom de ses mains, et que il ne se menoit ne bien ne loialment vers
moy quant il
me vouloit desheritier.
— Li évesques de
Chalons
me dist, fist
li roys: — Sire, que
me ferez-vous dou
signour de Joinville, qui tolt à
ce povre moinne l'abbaïe de
Saint-Urbain? — Sire évesques, fist
li roys, entre vous avez establi que l'on ne doit oyr nul escommenié en court laie; et
j'ai veues lettres seelées de trente-dous seaus que
vous estes escommeniés: dont
je ne
vous escouterai jeusques à tant que
vous soiés absouz.» Et ces choses vous moustré-
je, pour ce que vous voyez tout cler comme il se delivra touz seuls, par son senz, de ce que il avoit à faire.
Li abbes Geffrois de Saint-Urbain, après ce que
je li oz faite sa
besoingne, si
me rendi mal pour bien, et appela contre
moy. A
nostre saint roy fist entendant que il estoit en sa garde.
Je requis au
roy que il feist savoir la verité, se la garde estoit
seue ou moye.
«Sire, fist
li abbes, ce ne ferez-vous jà, se Dieu plait; mais
nous tenez en
plait ordené entre
nous et
le signour de Joinville; que
nous amons mieus avoir
nostre abbaïe en vostre garde, que non à celi cui li eritaiges est.» Lors
me dist
li roys: «Dient-il
voir, que la garde de
l'abbaïe est moye? — Certes
sire, fiz-
je, non est,
ains est moye.»
Lors dist
li roys: «Il puet bien estre que li eritaiges est vostre, mais en la garde de
vostre abbaïe n'avés-vous riens.
Ains couvient, se
vous voulés, et selonc ce que
vous dites et selonc ce que
li seneschaus dit, qu'elle demeure ou à
moy ou à li. Ne
je ne lairai jà pour chose que vous en dites, que
je n'en face savoir la verité; car se
je le metoie en
plait ordené,
je mespenroie vers li qui est mes hom, se
je li metoie son droit en
plait, douquel droit il
me offre à faire savoir la verité clerement.» Il fist savoir la verité; et la verité seue, il
me delivra la garde de
l'abbaïe et
m'en
bailla ses lettres.