Au chastel de
Yeres descendi
li roys de la mer, et
la royne et sui enfant. Tandis que
li roys sejournoit à
Yeres pour
pourchacier chevaus à venir en France,
li abbés de
Clugny li presenta deus palefrois qui vaudroient bien aujourd'ui cinq cens livres, un pour li, et l'autre pour
la royne. Quant il li ot presenté, si dist au
roy: «Sire,
je viendrai demain parler à
vous de mes
besoignes.» Quant ce vint l'endemain,
li abbés revint;
li roys l'oy mout diligentment et mout longuement. Quant
li abbés s'en fu partis,
je ving au
roy et li diz:
«Je
vous vueil demander, se il
vous plaît, se
vous avez oy plus debonnèrement
l'abbé de
Clugni, pour ce que il
vous donna hier ces deus palefrois.»
Li roys pensa longuement, et
me dist:
«Vraiement oyl. — Sire, fiz-
je, savez-vous pourquoy
je
vous ai faite ceste demande? — Pourquoy? fist-il.
— Pour ce,
sire, fiz-
je, que
je
vous lo et conseil que
vous deffendés à tout vostre conseil juré, quant
vous viendrez en France, que il ne preingnent de ceus qui auront à
besoignier par devant
vous; car soiés certeins, se il prennent, il en secouteront plus volentiers et plus diligentment ceus qui leur donront, ainsi comme
vous avez fait
l'abbé de
Clugni.» Lors apela
li roys tout son conseil, et leur recorda errant ce que
je li avoie dit; et li dirent que
je li avoie loé bon conseil.