Tandis que
li roys estoit en l'
ost devant
Jaffe,
li maistres de Saint-Ladre ot espié
delez
Rames, à trois grans lieues, bestes et autres choses là où il
cuidoit faire un grant gaaing; et il qui ne tenoit nul conroy en l'
ost,
ainçois fesoit sa volonté en l'
ost, sanz parler au
roy ala là. Quant il ot aqueillie sa proie, li Sarrazin loi coururent sus et le desconfirent en tele manière, que de toute sa gent que il avoit avec li en sa bataille, il n'en eschapa que quatre. Si tost comme il entra en l'
ost, il commença à crier aus armes.
Je m'alai armer, et priai au
roy que il
me laissast aler là; et il
m'en donna congié, et
me commanda que
je menasse avec
moy
le Temple et
l'Ospital. Quant nous venimes là, nous trouvames que autre Sarrazin estrange estoient embatu en la valée là où
li maistres de Saint-Ladre avoit esté desconfiz. Ainsi comme cist Sarrazin estrange regardoient ces mors,
li maistres des arbalestriers
le roy leur courut sus; et avant que nous venissions là, nostre gent les orent desconfiz et plusieur en occirent.
Uns serjans
le roy et uns des Sarrazins s'i porterent à terre li uns l'autre de cop de lance. Uns autres serjans
le roy, quant il vit ce, il prist les deus chevaus, et les emmenoit pour
embler; et pour ce qu'on ne le vist, il se mist parmi les murailles de
la cité de Rames. Tandis que il les emmenoit, une vieille citerne sur quoi il passa, li fondi desous; li troi cheval et il alèrent au font, et on le
me dist.
Je y alai veoir, et vi qua la citerne fondoit encore sus eus, et que il ne falloit guères que il ne fussent tuit couvert. Ainsi en revenimes sans rien perdre, mais ce que
li maistres de Saint-Ladre y avoit perdu.