Li roys ordena, si comme l'on dit, que sui frere retourneroient en France. Je ne sai se ce fu à leur requeste, ou par la volenté du
roy. Ceste parole que
li roys dist de sa demeurée, ce fu entour la saint-Jehan. Or avint ainsi que le jour de la saint-Jaque, quel pelerins
je estoie et qui mainz biens
m'avoit fait,
li roys fu revenus en sa chambre de la messe, et apela son conseil qui estoit demeurez avec li: c'est à savoir
monseigneur Pierron le Chamberlain, qui fu li plus loiaus hom et li plus droituriers que je veisse
onques en hostel de roy;
monseigneur Geffroy de Sergines, le bon chevalier et le preudome;
monseigneur Gilon le Brun, et bon chevalier et preudome, cui
li roys avoit donné la connestablie de France, après la mort
monseigneur Hymbert de Biaujeu le preudome.
A ceus parla
li roys en tel manière tout haut, aussi comme en couroussant:
«Seigneur, il a jà un moys que l'on sait ma demeurée, ne
je n'ai encore oy nouvelles que vous
m'aiés retenu nulz chevaliers. —
Sire, firent-il,
nous n'en povons mais; car chascuns se fait si chier, pour ce que il s'en vuelent aler en leur païs, que nous ne leur oserions donner ce que il demandent. — Et qui, fist
li roys, trouverés-vous à meilleur marchié? — Certes,
sire, firent-il,
le seneschal de Champaingne; mais nous ne li oserions donner ce qu'il demande.»
Je estoie à l'instant enmi la chambre
le roy, et oy ces paroles. Lors dist
li roys: «Apelez-moy
le seneschal.»
Je alai à li et m'agenoillai devant li; et il
me fist seoir, et
me dist ainsi:
«Seneschaus,
vous savés que
je
vous ai mout amé, et ma gent
me dient que il
vous treuvent dur. Comment est-ce? —
Sire, fis-
je, je n'en puis mais; car
vous savez que
je fu pris en l'eau, et ne
me demeura
onques riens que
je ne perdisse tout ce que
j'avoie.» Et il demanda que
je demandoie; et
je dis que
je demandoie deus mille livres jusques à Pasques pour les deus pars de l'année. —
«Or
me dites, fist-il,
avez-vous
barguignié nulz chevaliers?» Et
je dis:
«Oyl,
monseigneur Pierron de Pontmolain, li tiers à banière, qui coustent quatre cens livres jusques à Pasques.» Et il conta par ses doiz.
«Ce sont, fist-il,
douze cens livres que vostre nouvel chevalier cousteront. — Or
regardez,
sire, fis-
je, se il
me conviendra bien huit cens livres pour
moy monter et pour
moy armer, et pour mes chevaliers donner à mangier: car
vous ne voulés pas que nous mangions en vostre ostel.» Lors dist à sa gent:
«Vraiement, fist-il,
je ne voi ci point d'outraige, et
je
vous retieng, fist-il,
à
moy.»