Quant nous fumes parti d'
illec, et li assaus
me commença de doutes pars:
«Or est fous,
sire de Joinville,
li roys, se il ne
vous croit contre tout le conseil du royaume de France?» Quant les tables furent mises,
li roys
me fist seoir
delez li au mangier, là où il
me fesoit touz jours seoir, se sui frère n'y estoient.
Onques ne parla à
moy tant comme li mangiers dura: ce que il n'avoit pas acoustumé, que il ne gardast touz jours à
moy en mangeant. Et
je
cuidoie vraiement que il fust courouciez à
moy, pour ce que
je dis que il n'avoit encore despendu nulz de ses deniers, et que il en despendist largement.
Tandis que
li roys oy ses graces,
je alai à une fenestre ferrée qui estoit en une eculée devers le chevet du lit
le roy; et tenoie mes bras parmi les fers de la fenestre, et pensoie que se
li roys s'en venoit en France, que
je m'en iroie vers
le prince d'Antioche (qui
me tenoit pour parent, et qui
m'avoit envoyé
querre), jusques à tant que une autre alée
me venist au pays, par quoy li prisonnier fussent delivré, selonc le conseil que
li sires de Boulaincourt
m'avoit donné.
En ce point que
je estoie
illec,
li roys se vint apuier à mes espaules, et
me tint ses deux mains sur la teste. Et
je
cuidai que ce fust
messires Phelippes d'Anemos, qui trop d'ennui
m'avoit fait le jour pour le conseil que
je li avoie donné; et dis ainsi:
«Lessiés-moy en paiz,
mes sire Phelippes.» Par male avanture, au tourner que
je fis ma teste, la mains
le roy
me chei parmi le visaige; et cognu que c'estoit
li roys à une esmeraude que il avoit en son doigt. Et il
me dist:
«Tenez-vous touz quoys; car
je
vous vueil demander comment
vous, qui estes uns joennes homs,
m'osastes loer ma demeurée, encontre touz les grans homes et les saiges de France qui
me looient m'alée. —
Sire, fis-
je, se
j'avoie la mauvestié en mon cuer, si ne
vous loeroie-je
à nul fuer que
vous la feissiés. — Dites-vous, fist-il,
que
je feroie que mauvaiz se
je m'en aloie? — Si
m'aïst Dieus,
sire, fis-
je, oyl.» Et il
me dist:
«Se
je demeur, demeurrez-vous?» Et
je li dis que oyl,
«se
je puis ne du mien ne de l'autruy. — Or soiés touz aises, dist-il,
car
je
vous sai mout bon gré de ce que
vous
m' avez loé; mais ne le dites à nullui toute celle semainne.»
Je fu plus aises de celle parole, et
me deffendoie plus hardiement contre ceus qui
m'assailloient. On appelle les païsans du païs
poulains; dont
mes sires Pierres d'Avalon, qui demeuroit à
Sur, oy dire que on
me appeloit poulain pour ce que
j'avoie conseillié au
roy sa demeurée avecques les poulains. Si
me manda
mes sires Pierres d'Avalon que
je
me deffendisse vers ceus qui
m'apeloient poulain, et leur deisse que
j'amoie mieus estre poulains que
roncins
recreus, aussi comme il estoient.