L'on commença à faire le paiement le samedi au matin, et y mist l'on au paiement faire le samedi et le dymanche toute jour jusques à la nuit; que on le paioit à la balance, et valoit chascune balance dix mille livres. Quant vint ce dymanche au vespre, les gens
le roy qui fesoient le paiement, mandèrent au
roy que il leur failloit bien encore trente mille livres. Et avec
le roy n'avoit que
le roy de Sezile et
le maréchal de France,
le menistre de la Trinité et
moy; et tuit li autre estoient au paiement faire.
Lors dis-
je au
roy que il seroit bon que il envoiast
querre
le commandeur et
le maréchal du
Temple (car
li maistres estoit mors), et que il leur requeist que il li prestassent les trente mille livres pour delivrer
son frère.
Li roys les envoia
querre, et
me dist
li roys que
je leur deisse. Quant
je leur oy dit,
freres Estiennes d'Otricourt, qui estoit commanderres du
Temple,
me dist ainsi:
«Sire de Joinville, cis conseil que
vous donnéz au
roi n'est ne bons ne raisonnables; car
vous savéz que nous recevons les commandes en tele manière, que par nos sermens nous ne les povons delivrer, mais que à ceus qui les nous
baillent.» Assez y ot de dures paroles et de felonesses entre
moy et li.
Et lors parla
frères Renaus de Vichiers, qui estoit maréchaus du
Temple, et dist ainsi:
«Sire, lessiés ester la
tençon du
signour de Joinville et de
nostre commandeur; car aussi comme
nostre commanderres dit, nous ne pourrions rien
baillier que nous ne fussions parjure. Et de ce que
li seneschaus vous loe que, se nous ne vous en voulons prester, que vous en preigniez, ne dit-il pas mout grans merveilles, et vous en feréz vostre volenté; et se vous prenez du nostre, nous avons bien tant du vostre en
Acre que vous nous desdomageréz bien.»
Je dis au
roy que
je iroie, se il vouloit; et il le
me commanda.
Je m'en alai en une des
galies du
Temple, en la maistre
galie; et quant
je vouz descendre en la sente de la
galie, là où li tresors estoit,
je demandai au
commandeur dou
Temple que il venist veoir ce que
je prendroie; et il n'i deingna
onques venir.
Li marechaus dist que il viendroit veoir la force que
je li feroie.
Si tost comme
je fu
avalez là où li tresors estoit,
je demandai au
tresorier dou
Temple, qui là estoit, que il
me
baillast les clez d'une huche qui estoit devant
moy; et il qui
me vit megre et descharné de la maladie, et en l'abit que
je avoie esté en
prison, dist que il
m'en
bailleroit nulles. Et
je
regardai une coignie qui gisoit
illec; si la levai et dis que
je ferai la clef
le roy. Quant
li marechaus vit ce, si
me prist par le poing et
me dist:
«Sire, nous veons bien que c'est force que
vous nous faites, et nous
vous ferons
baillier les clez.» Lors commanda au
tresorier que on les
me
baillast; ce qu'il fist. Et quant
li marechaus ot dit au
tresorier qui
je estoie, il en fu mout esbahis.
Je trouvai que celle huche que
je ouvri estoit à
Nichole de Choisy, un serjant
le roy.
Je getai hors ce d'argent que
je y trouvai, et me alai seoir au
chief de nostre vessel qui
m'avoit amené. Et pris
le maréchal de France et le lessai avec l'argent, et sur la
galie mis
la ministre de la Trinité. Sus la
galie
li marechaus tendoit l'argent au
menistre, et
li menistres le
me
bailloit au vessel là où
je estoie. Quant nous venimes vers la
galie
le roy,
je commençai à huchier au
roy: «Sire, sire,
esgardés comment
je suis garniz.» Et
li sainz hom
me vit mout volentiers et mout
liement. Nous
baillames à ceus qui fesoient le paiement ce que
j'avoie aporté.