Li granz amiraus des
galies
m'envoia
querre, et
me demanda se
je estoie cousins
le roy; et
je li dis que nanin, et li contay comment et pourquoy li mariniers avoit dit que
je estoie cousins
le roy. Et il dist que
j'avoie fait de saiges, car autrement eussions-nous esté tous mort. Et il
me demanda se
je tenoie riens de lignaige à
l'empereur Ferri d'Allemaingne, qui lors vivoit; et
je li respondi que
je entendoie que
ma dame ma mere estoit sa cousine germainne; et il
me dist que de tant
m'en amoit-il mieus. Tandis que nous mangions, il fist venir un bourgeois de
Paris devant nous. Quant li bourgeois fu venus, il
me dist:
«Sire, que faites-vous? — Que faiz-je donc?» feiz-
je. —
«En nom Dieu, fist-il,
vous mangiez chair au vendredi!» Quant
j'oï ce,
je
boutai m'escuele arières. Et il demanda à
mon Sarrazin pour quoy
je avoie ce faist; et il li dist; et
li amiraus li respondi que jà Dieu ne
m'en sauroit mal gré, puisque
je ne l'avoie fait à
escient. Et sachiez que cette response
me fist
li legas, quant nous fumes hors de
prison; et pour ce ne lessai-
je pas que
je ne jeunasse touz les vendredis de quaresme après, en pain et en eau: dont
li legas se courrouça mout forment à
moy, pour ce que il n'avoit demeuré avec
le roy de riches homes que
moy.
Le dymanche après,
li amiraus
me fist descendre et tous les autres prisonniers qui avoient esté pris en l'eau, sur la rive du flum.
Endementieres que on trehoit
monsigneur Jehan, mon bon prestre, hors de la soute de la
galie, il se
pasma; et on le tua et le geta l'on au flum. Son clerc, qui se
pasma aussi pour la maladie de l'
ost que il avoit, l'on li geta un mortier sus la teste; et fu mors, et le geta l'on au flum.
Tandis que l'on descendoit les autres malades des
galies où il avoient esté en
prison, il y avoit gens sarrazins appareilliés, les espées toutes nues, que ceus qui cheoient, il les occioient et getoient touz au flum.
Je leur fis dire, à
mon Sarrazin, que il
me sembloit que ce n'estoit pas bien fait; car c'estoit contre les enseignemens
Salehadin, qui dit que l'on ne devoit nul home occire, puis que on li avoit donné à mangier de son pain et de son sel. Et il
me respondi que ce n'estoient pas home qui vausissent riens, pour ce que il ne se povoient aidier pour les maladies que il avoient. Il
me fist amener mes mariniers devant
moy, et
me dist que il estoient tuit renié; et
je li dis que il n'eust jà fiance en eus; car aussi tost comme il nous avoient lessiez, aussi tost les lairoient-il, se il veoient ne leur point ne leur lieu. Et
li amiraus
me fist response tel, que il s'
acordoit à
moy; que
Salehadins disoit que on ne vit
onques de mauvais crestien bon sarrazin, ne de mauvais sarrazin bon crestien.
Et après ces choses, il
me fist monter sus un palefroy, et
me menoit encoste de li. Et passames un pont de nefs, et alames à
la Masourre, là où
li roys et sa gent estoient pris; et venimes à l'entrée d'un grant paveillon, là où li escrivain
le soudanc estoient; et firent
illec escrire mon nom. Lors me dist
mes Sarrazins: «Sire, je ne vous suivrai plus, car je ne puis; mais je vous pri,
sire, que
cest enfant que vous avez avec vous, que vous le tenez touz jours par le poing, que li Sarrazin ne le vous toillent.» Et cis enfes avoit non
Berthelemin, et estoit fiz au
signeur de Montfaucon de bast.
Quant mes nom fu mis en escrit, si
me mena
li amiraus dedans le paveillon là où li baron estoient, et plus de dix mille personnes avec eus. Quand
je entrai
leans, li baron firent tuit si grant joie que on ne povoit goute oïr et en louoient Nostre Signeur, et disoient que il
me
cuidoient avoir perdu.