Li frère
le roy gaitoient les
chas-chastiaus de jour, et montoient au chastel en haut, pour traire aus Sarrazins des arbalestres de
quarriaus qui aloient par mi l'
ost aus Sarrazins. Or avoit
li roys ainsi
atirié que, quant
li roys de Sezile guetoit de jour les
chas-chastiaus, et nous les devions guetier de nuit. Celle journée que
li roys de Sezile gueta de jour, et nous devions guetier la nuit; et nous estions en grant mesaise de cuer, pour ce que li Sarrazin avoient tout confroissié nos
chas-chastiaus. Li Sarrazin amenèrent la
pierrière de grant jour, ce que il n'avoient encore fait que de nuit, et getèrent le feu grégeois en nos
chas-chastiaus.
Leur engins avoient si acouplez aus chauciées que li
ost avoit faites pour bouchier le flum, que nulz n'osoit aler aus
chas-chastiaus, pour les engins qui getoient les grans pierres, et cheoient en la voie. Dont il avint ainsi que nostre dui
chastel furent ars; dont
li roys de Sezile estoit si hors du sens, que il se vouloit aler
ferir au feu pour estaindre; et se il en fu courouciez, je et mi chevalier en loames Dieu; car se nous eussions guetié le soir, nous eussions esté tuit ars.
Quan
li roys vit ce, il envoia querre touz les barons de l'
ost, et leur pria que chascuns li donnast du
merrien de ses nefs pour faire un
chat pour bouchier le flum; et leur moustra que il veoient bien que il n'i avoit boiz dont on le peust faire, se ce n'estoit du
merrien des nefs qui avoient amené nos
harnois amont. Il en donnèrent ce que chascuns vout; et quant cis
chas fu fais, li
merriens fu prisiez à dix mille livres et plus.
Li roys
atira aussi que l'on ne
bouteroit le
chat avant en la chauciée jusques à tant que li jours viendroit que
li roys de Sezile devoit guetier, pour restorer la
mescheance des autres
chastiaus qui furent ars à son guet. Ainsi comme l'on l'ot
atirié, ainsi fu fait; car si tost comme
li roys de Sezile fu venus à son gait, il fist
bouter le
chat jusques au lieu là ou li dui autre
chat-chastel avoient esté ars.
Quant li Sarrazin virent ce, il
atirièrent que tuit leur seize engin geteroient sur la chauciée, là où li
chas estoit venus. Et quant il virent que nostre gent redoutoient à aler au
chat, pour les pierres des engins qui cheoient sur la chauciée par où li
chas estoit venus, il amenèrent la
pierrière, et geterent le feu grejois ou
chat et l'ardirent tout. Ceste grant courtoisie fist Dieu à moy et à mes chevaliers; car nous eussions le soir guetié en grant peril, aussi comme nous eussion fait à l'autre guet, dont je vous ai parlé devant.