Scecedins, que je vous ai devant nommé (li
chievetains des Turs), si estoit li plus prisiés de toute la paiennime. Sa banière estoit bandée: en l'une des bandes estoient les armes
l'empereur qui l'avoit fait chevalier; en l'autre estoient les au
soudanc de Halape; en l'autre bande estoient les au
soudanc de Babilone. Ses noms estoit
Secedin le fil Seic; ce vaut autant à dire comme le vieil le fil au vieil. Celuy nom tenoient-il à mout grant chose en la paiennime; car ce sont les gens au monde qui plus honneurent gens anciennes, puis que il est ainsi que Dieu les ait gardés de vilain reproche jusques en leur vieillesce.
Secedins, cis vaillans Turs, aussi comme les
espies
le roy le raportèrent, se vanta que il mangeroit, le jour de la feste de saint Sebastien, es paveillons
le roy.
Li roys, qui sot ces choses,
atira son
host en tel manière que li
cuens d'
Artois, ses freres, garderoit les
chaz et les engins;
li roys et li
cuens d'
Anjou, qui puis fu roys de Secile, furent establi à garder l'
ost par devers
Babilone; et li
cuens de
Poitiers, et nous de Champaigne, garderions l'
ost par devers
Damiete. Or avint ainsi que
li princes des Turs devant nommez fist passer sa gent en l'ille qui est entre le flum de
Damiete et le flum de
Rexi, là où nostre
os estoit logiez; et fist rangier ses batailles dès l'un des fleuves jusques à l'autre. A celle gent assembla
li roys de Sezile et les desconfist. Mout y en ot de noiez en l'un fleuve et en l'autre; et toutes voies en demeura il grant partie ausquels on n'osa assembler, pour ce que li engin des Sarrasins getoient parmi les deus fleuves. A l'assembler que
li roy de Sezile fist aus Turs, li
cuens
Guis de Forez tresperça l'
ost des Turs à cheval, et assembla il et sui chevalier à une bataille de Sarrazins serjans qui le portèrent à terre; et ot la jambe brisiée, et dui de ses chevaliers le ramenèrent par les bras. A grant peinne firent traire
le roy de Sezile dou peril là où il estoit, et mout fu prisiez de celle journée.
Li Turc vindrent au
comte de Poitiers et à nous, et nous lour courumes sus et les chassames grant pièce; de leur gens y ot occis et revenimes sans perdre.