En l'entrée des Advens, se esmut
li roys et li
os pour aler vers
Babilone, ainsi comme li
cuens d'
Artois l'avoit loé. Assez près de
Damiete, trouvames un flum qui issoit de la grant rivière; et fu ainsi
acordé que li
os sejournast un jour pour bouchier ledit braz, par quoy on peust passer. La chose fu faite assez legierement; car l'on boucha ledit bras rez à rez de la grant riviere, en sorte que l'yaue se tourna assez legierement avec la grant riviere. A ce flum passer envoia
li soudans cinq cens de ses chevaliers, les mieus montez que il pot trouver en tout son
host, pour
hardier l'
ost
le roy, pour delaier nostre alée.
Le jour de la saint-Nicholas, commenda
li roys que il s'
atirassent pour chevauchier, et deffendi que nulz ne fust si hardis que il poinsist à ces Sarrazins qui venu estoient. Or avint que quant li
os s'esmut pour chevauchier, et li Turc virent que l'on ne poindroit pas à eus, et sorent par leur
espies que
li roys l'avoit deffendu, il s'enhardirent et assemblèrent aus
Templiers, qui avoient la première bataille; et li uns des Turs porta un chevalier du
Temple à terre, tout devant les piez dou cheval
frere Renaut de Vichiers, qui estoit lors mareschaus dou
Temple.
Quant il vit ce, il escria à ses freres:
«Or à eus, de par Dieu! car ce ne porroie-je plus souffrir.» Il
feri des esperons et touz li
os aussi: li cheval à nos gens estoient frez, et li cheval aus Turs estoient jà
foulé; dont je oy recorder que nus n'en y avoit eschapé, que tuit ne fussent mort; et pluseur d'aus en estoient entré ou flum et furent noyé.