Li Sarrazin à pié entroient toutes les nuiz en l'
ost, et occioient les gens, là où il les trouvoient dormans: dont il avint que il occistrent la
gaite au
signeur de Courtenay, et le lessièrent gisant sur une table, et li copèrent la teste et l'emportèrent. Et ce firent-il pour ce que
li soudans donnoit de chascune teste de crestiens un besant d'or. Et ceste persecucions avenoit pour ce que les batailles guetoient, chascune à son soir, l'
ost à cheval; et quant li Sarrazin vouloient entrer en l'
ost, il atendoient tant que les
fraintes des chevaus et des batailles estoient passées; si se metoient en l'
ost par darière les dos des chevaus, et r
issoient avant que jours fust. Et pour ce ordena
li roys que les batailles qui soloient guetter à cheval, guetteroient à pié; si que touz li
os estoit asseurs de nos gens qui guetoient, pour ce que il estoient espandu en tel maniere que li uns touchoit à l'autre.
Après que ce fu fait,
li roys ot conseil que il se partiroit de
Damiete, jusques à tant que
ses frères li
cuens de
Poitiers seroit venus, qui emenoit l'arière-ban de France. Et pour ce que li Sarrazin ne se
ferissent par mi l'
ost à cheval,
li roys fist clorre tout l'
ost de grans fossés; et sus les fossés gaitoient arbelestrier, touz les soirs, et serjant, et aus entrées de l'
ost aussi.
Quant la saint Remy fu passée, que on n'oy nulles nouvelles dou
comte de Poitiers (dont
li roys et tuit cil de l'
ost furent à grant mesaise, car il doutoient que
aucuns
meschief ne li fust avenus), lors je
ramentu
le legat comment
li doyens de Malrut nous avoit fait faire trois processions en la mer, par trois samedis; et devant le tiers samedi nous arivames en Cypre.
Li legas me crut et fist crier les trois processions en l'
ost par trois samedis. La première procession commença en l'ostel dou
legat, et alèrent au moustier Nostre-Dame en
la ville; liquels moustiers estoit fais en la mahommerie des Sarrazins, et l'avoit
li legas dedié en l'onneur de la Mère Dieu.
Li legas fist le sermon par deus samedis. Là fu
li roys, et li riche homme de l'
ost, ausquiels
li legas donna grant pardon. Dedans le tiers samedi vint li
cuens de
Poitiers, et ne fu pas
mestier que il fust avant venus; car dedans les trois samedis fu si grans
baquenas en la mer devant
Damiete, que il y ot bien douze vins vessiaus, que grans que petiz, brisiez et perdus, atout les gens qui estoient dedans, noyez et perdus. Dont, se li
cuens de
Poitiers fust avant venus, et il et sa gent eussent esté tuit confondu.
Qant li
cuens de
Poitiers fu venus,
li roys manda touz ses barons de l'
ost, pour savoir quele voie il tiendroit, ou en
Alixandre ou en
Babilone. Dont il avint ainsi que li bons
cuens
Pierres de Bretaingne et le plus des barons de l'
ost s'
acordèrent que
li roys alast assegier
Alixandre, pour ce que devant
la ville avoit bon port, là où les nefs ariveroient qui aporteroient les
viandes en l'
ost. A ce fu li
cuens d'
Artois contraires, et dist ainsi que li ne s'
acorderoit jà que on alast mais que en
Babiloine, pour ce que c'estoit li
chief de tout le royaume d'Egypte; et dist ainsi, que qui vouloit tuer premier la serpent, il li devoit escachier le
chief.
Li roys lessa tous les autres conseils de ses barons, et se tint au conseil de
son frère.