Robers de Clari

Istoire de ceus qui conquisent Constantinople


Précédent Table des matières Suivant
LIII 
   Après, quant li baron eurent mené Alexe au palais, si demanderent de la sereur le roi de France, que on apeloit l'empereris de France, se ele vivoit encore; et on dist oïl, et qu'ele estoit mariée, que uns haus hom de la cité, li Vernas avoit à nom, l'avoit espousée; si manoit en un palais près d'iluec. Là si l'alerent veoir li baron, et si la saluerent, et molt li promisent à lui faire service. Et ele leur fist molt mauvais semblant, et molt estoit corociée de ce qu'il estoient là alé et de ce qu'il avoient celui Alexe couroné ne se voloit parler à eus, ains y faisoit parler un latimier, et disoit li latimier qu'ele ne savoit nient de françois. Mais li cuens Loois (cil estoit ses cousins) s'acointa à ele.

Précédent Table des matières Suivant